Tetë pika. Asnjë kompromis.
Ne kemi tetë kërkesa të qarta dhe të matshme — politike, ligjore dhe institucionale — që çdo qeveri që respekton qytetarët mund t'i përmbushë.
- 01
Dorhëqje pa kushte e qeverisë
Dorhëqje e menjëhershme dhe pa kushte e qeverisë Rama, si reagim ndaj korrupsionit sistemik dhe shkeljes së interesit publik.
- 02
Qeveri teknike
Krijimi i një qeverie teknike të pavarur që drejton vendin deri në zgjedhjet e radhës parlamentare.
- 03
Reformë e kodit zgjedhor
Kalim në një sistem proporcional kombëtar me lista të hapura, që qytetari të zgjedhë drejtpërdrejt përfaqësuesin e tij.
- 04
Luftë reale kundër korrupsionit
Hetim dhe ndjekje penale e korrupsionit në nivelin më të lartë — pa imunitet, pa privilegje.
- 05
Statusi i investitorit strategjik — i shfuqizuar
Shfuqizim i ligjit dhe i kuadrit nënligjor që u jep koncesione, toka publike dhe privilegje fiskale 'investitorëve strategjikë'.
- 06
Shfuqizim i Paketës së Maleve
Anulim i plotë i ligjit dhe akteve të Paketës së Maleve që hap zonat malore për ndërtim dhe shfrytëzim privat.
- 07
Mbrojtja e zonave të mbrojtura
Anulim i ndryshimeve të fundit në Ligjin për Zonat e Mbrojtura që dobësojnë mbrojtjen e parqeve dhe rezervave natyrore.
- 08
Mbrojtja e trashëgimisë kulturore
Anulim i ndryshimeve në Ligjin për Trashëgiminë Kulturore që mundësojnë privatizimin dhe ndërhyrjet në monumentet historike.